Edhe këtë javë, Qendra e Parandalimit të Krimeve të të Miturve dhe të Rinjve organizoi një takim të veçantë në Institutin e të Miturve në Kavajë për të vazhduar programin e “Summer School” ashtu siç do jemi gjatë gjithë verës, të angazhuar në organizimin e aktiviteteve artistike dhe kreative, duke përfshirë seanca reflektimi, punë në grupe dhe trajnime për menaxhimin e konflikteve.

Këtë javë, bashkëpunuam me Nismën Arsis për të ofruar një gamë të gjerë lojrash dhe aktivitetesh argëtuese për të rinjtë në konflikt me ligjin. Kjo mundësi jo vetëm që i frymëzon ata, por gjithashtu i ndihmon ata të zhvillojnë aftësi të reja dhe të krijojnë lidhje pozitive në një mjedis mbështetës dhe inkurajues.

“Shpresa dhe mundësitë rriten aty ku ka dashuri dhe përkushtim.”